Katari ndërton stadiume moderne për botërorin 2022

Katari është shteti që do të organizojë Kampionatin Botëror 2022, që llogaritët si ngjarja më e madhe sportive që është organizuar në këtë shtet, transmeton Klan Kosova. Për shkak të temperaturave të larta në këtë  shtet, karakteristikë e atij kampionati do të jetë se do të zhvillohet në dimër për shkak të vapës së madhe gjatë verës në këtë shtet. Ditëve të fundit presidenti i FIFA-s, Gianni Infantino,qëndroi në Doha nga ku edhe  lavdëroi punimet që janë bërë ne Katar për ndërtimin e Infrastrukturës. “Mund të shihni që është bërë shumë përparim që katër vite para botërorit”, u shpreh Infantino gjatë një vizite në stadiumin e Al Vakrahs, që do të mbajë 40 mijë vende për shikues. “Ky botëror është shumë i rëndësishëm jo vetëm për Katarin, por për të gjithë zonën, e cila e ka shumë pasion futbollin dhe investon shumë për të”, ka shtuar ai. Një karakteristike tjetër e këtyre stadiumeve që u bë e ditur është se ata do të kenë ajër të kondicionuar për shkak të temperaturave të larta, në vendin që është i pari nga vendet arabe që organizon botëror futbolli.

klankosova.tv