Kasami (VLEN): Kemi fituar në pjesën më të madhe të komunave me shumicë absolute shqiptare

Përfaqësuesi i VLEN, Bilall Kasami është shprehur që nga nesër ata do të vazhdojnë të jenë në shërbim të qytetarëve.

Kasami u shpreh se kanë fituar në pjesën më të madhe të komunave me shumicë absolute të shqiptarëve, njofton Klankosova.tv.

“Që nga nesër do të vazhdojmë të jemi në shërbim të qytetarëve, ashtu siç kemi qenë në Tetovë, në Gostivar, në Çair në të gjitha ato komunat në të cilat ne kemi qeverisur”.

“Në pjesën më të madhe të komunave të cilat janë me shumicë absolute të shqiptarëve ne kemi fituar, vetëm në ato komuna ku ka popullatë të minoriteteve turq dhe rom, ata kanë arritur që të ruajnë rezultatin”, është shprehur ai.