Karrocë nga LEGO për breshkën e lënduar

Kopshti zoologjik i Maryland-it ka krijuar një karrocë LEGO-je për një breshkë të lënduar. Ata e kanë gjetur këtë breshkë me një plastron të thyer në një park të Baltimore. Me të gjetur breshkën, e kanë dërguar menjëherë në kopshtin e Maryland-it për ta trajtuar. Aty Garret Graes i kishte lindur ideja për ta ndërtuar një karroce prej LEGO-sh për të ndihmuar në rikuperimin e tij. Kështu, Graes ia kishte dërguar  disa skeçe një shoqeje të tij në Danimarkë e cila më pas kishte kontribuar me specifika sa i përket LEGO-s në tentim për ta ndërtuar karrocën. Pas dy muajsh, breshka është adaptuar shumë shpejtë në karrocën e re, dhe tash mund të ecë vetë, ndërkaq vitin e ardhshëm pritet lirimi i tij në vendin ku është gjetur.