Kapet me 200 kg drogë shqiptari “i papunë” në Itali

Policia italiane bën me dije se ka sekuestruar 200 kg lëndë narkotike të llojit kokainë gjatë një operacioni në Romë. Lënda narkotike me vlerë 16 milionë euro, u gjet në banesën e një 23 vjeçari shqiptar së bashku me një pistoletë , municione dhe afërsisht 30,000 euro në para të gatshme. Apartamenti i të riut rezultoi të ishte një "qendër logjistike" për ruajtjen dhe shpërndarjen e substancës. Droga u zbulua pasi karabinierët e ndaluan të riun për një kontroll, të dyshimtë për sjelljen e tij. Ata gjetën një shumë të madhe parash në çantën e tij, e cila nuk mund të justifikohej, pasi, pas hetimit, 23-vjeçari rezultoi i papunë. Sipas karabinierëve, droga kishte për qëllim të mbushte sheshet publike të Romës, dhe të ardhurat u përdorën për të financuar aktivitete të mëtejshme të paligjshme nga bandat kriminale. Për të shmangur zbulimin gjatë transportimit dhe shitjes së kokainës, i riu, i cili u dërgua në burgun e Rebibbias, përdorte një makinë të pajisur me një fund të rremë, i cili mund të hapej me një kombinim butonash dhe përdorimin e çelësave, raporton A2CNN, transmeton Klankosova.tv.