Lajmet e fundit
Autoritetet belge thanë të premten se kishin sekuestruar gati pesë ton kokainë të fshehur në kontejnerë anijeje në portin e Antwerp-it, si pjesë e një hetimi ndërkombëtar për një rrjet trafikimi droge.
Prokurorët thanë se tetë persona ishin arrestuar pas kontrolleve të kryera në Belgjikë dhe Holandë më herët këtë muaj.
Inspektimet çuan në sekuestrimin e 193,000 dollarëve (185 milionë euro), si dhe armë, bizhuteri, çanta luksoze, orë dhe 4.78 ton kokainë.
Hetimi u përqendrua në një organizatë kriminale që merrej me trafikun e kokainës nga Amerika Jugore, Amerika Qendrore dhe Kanadaja në Belgjikë, tha zyra e prokurorit në një deklaratë.
Grupi supozohet të ketë ndihmuar në pastrimin e kontejnerëve të dyshuar në portin e Antwerp-it dhe, në këmbim të pagesës, ofronte asistencë logjistike për organizata të tjera, sipas saj.
Porti i Antwerp-it është një nga portat kryesore për drogë të kontrabanduar nga Amerika Jugore në tregun evropian, dhe aksionet e zbardhjes së kontrabandës në këtë zonë ndodhin shpesh.
Sekuestrimet e kokainës atje arritën një rekord prej 116 tonësh vitin e kaluar, raporton CBS News, transmeton Klankosova.tv.
Muajin e kaluar, një gjykatë belge dënoi dhjetra persona në procesin më të madh gjyqësor për drogë në vend, me liderët e grupit të dënuar deri në 17 vjet burg.
Përpara disa muajve, policia njoftoi ndalimin e një rrjeti të madh që transportonte kokainë nga Amerika Latine në Evropë me anije në një operacion ndërkombëtar që përfshiu 50 arrestime në tetë shtete.
Po në atë kohë, autoritetet në Paraguaj njoftuan sekuestrimin më të madh të kokainës në histori të vendit, pasi zyrtarët u befasuan kur gjetën mbi 4 ton drogë të fshehur brenda një ngarkese sheqeri që ishte destinuar për në Belgjikë.
