Harry Kane dëshiron të largohet nga Bayern Munich, sipas raportimeve befasuese që vijnë nga Spanja.
Kane i dha fund bashkëpunimit me Tottenhamin duke firmosur për Bayernin në një marrëveshje me vlerë 86 milionë funte. Ai iu bashkua gjigantëve gjermanë në verën e vitit 2023, transmeton Klankosova.tv.
32-vjeçari ka pasur një periudhë tepër produktive në Bundesligë, duke shënuar 65 gola në 65 ndeshje.
Por, sipas raportimeve nga Spanja, Kane mund të mos e përfundojë kontratën e tij të plotë me Bayernin, pasi po lidhet me një kalim senzacional në La Liga.
Media spanjolle “Fichajes” pretendon se ai i ka bërë të ditur Barcelonës synimin e tij për t’u larguar nga Bayerni në verën e vitit 2026.
Kane e sheh La Ligën si sfidën që i duhet në karrierë, ndërsa Barça e konsideron si pasuesin ideal të Robert Lewandowskit dhe beson se do të shkëlqente nën drejtimin e Hansi Flick.
Kane ka edhe një vit kontratë deri verën e ardhshme, por mund të jetë i disponueshëm për një çmim më të ulët në janar.
Transferimi i sulmuesit anglez nuk do të kushtojë shuma të tepruara, gjë që e bën një opsion tërheqës për Barcelonën. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
