Kanceri i gjirit tek nënat e reja: Pesë shenjat e hershme paralajmëruese

Në mes të netëve pa gjumë dhe kujdesit për të porsalindurin, nënat e reja duhet të përshtaten me ndryshimet fiziologjike, midis të gjitha gjërave që në fakt i ndryshojnë jetën. Shumicën e kohës, nënat e reja janë të preokupuara me kujdesin për foshnjën dhe shëndeti i tyre është mënjanë. Janë disa simptoma që mund të mos duken se ndryshojnë jetën, por duhet t'i kushtohet vëmendje dhe të kontrollohen në mënyrë rutinore. Një gjendje e tillë që shpesh anashkalohet është gunga e gjirit, e cila konsiderohet si një simptomë e zakonshme e ushqyerjes me gji. Në fakt është e zakonshme që nënat që ushqejnë me gji të zhvillojnë mpiksje qumështi në gji, dhe këto mpiksje janë mjaft të ngjashme me ato që gjenden tek ato që vuajnë nga kanceri i gjirit, shkruan India, transmeton Klankosova.tv. Kanceri i gjirit tek nënat gjidhënëse shpesh diagnostikohet gabimisht për shkak të ngjashmërisë së simptomave midis kancerit dhe kanalit të bllokuar të qumështit. Por disa nga shenjat e hershme paralajmëruese që duhet t'u kushtohet vëmendje janë: Mastiti - është një lloj infeksioni i zakonshëm që shfaqet gjatë ushqyerjes me gji, një inflamacion i indeve të gjirit. Në shumicën e rasteve, shkaktarët janë bllokimi i kanalit të qumështit ose bakteret që hyjnë në gji. Zakonisht ndodh brenda tre muajve të parë të ushqyerjes me gji dhe disa nga shenjat kryesore të mastitit janë ndjeshmëria e gjirit, inflamacioni dhe ethet. Kontrollet rutinë – Mëmësia vjen së bashku me shumë ndryshime dhe sfida, por është e domosdoshme t'i kushtoni vëmendje çdo ndryshimi të vogël që ndodh në trup. Është gjithmonë thelbësore të kuptohen shenjat paralajmëruese që lëshon trupi. Karcinoma duktale invazive (IDC) – IDC njihet si forma më e zakonshme e kancerit të gjirit dhe përbën 80% të të gjitha diagnozave të këtij kanceri. Disa nga simptomat e zakonshme për IDC përfshijnë- shfaqjen e skuqjes, ënjtjes dhe dhimbje të mprehta në gji. Një diagnozë e hershme për këtë lloj të kancerit është lehtësisht e shërueshme dhe ka një shkallë më të lartë të mbijetesës. Inflamacioni i gjirit – Të kesh gji të plotë ose të ngopur si rezultat i furnizimit të tepërt me qumësht në muajt e parë të ushqyerjes me gji është normale. Por ndërsa foshnja zhvillon një rutinë të ushqyerjes, trupi furnizon qumështin sipas kërkesave. Prandaj, në rast të çdo lloj fryrjeje të pazakontë të të gjithë ose ndonjë pjese të gjinjve konsultohuni me mjekun. Mos anashkaloni asnjë rrjedhje të pazakontë - Rrjedhje të ujshme ose qumështore zakonisht ka gjatë ushqyerjes me gji, megjithëse shkarkimi i tepërt për një periudhë më të gjatë kohore mund të jetë një shenjë jo e zakonshme. Prandaj vonesa në raste të tilla nuk janë të rekomandueshme.