Kampionët nuk dorëzohen, Ballkani avancon në "Inver Park" të Larnes

Kampioni i Kosovës e ka gjetur golin në stadiumin "Inver Park" të Larnes, me anë të Walid Hamidit nga penalltia, në fund të pjesës së parë. Tani gjithçka barazohet, pasi ndeshjen e parë Ballkani e kishte humbur 1-0 në "Fadil Vokrri" të Prishtinës. Në rast se "Xhebrailat" e kalojnë këtë kundërshtar, në Play-Off të Konferencës së Evropës, do të takohen me Lincoln Red Imps të Gjibraltarit, njofton Klankosova.tv. Edhe vitin e kaluar suharekasit u takuan me të dy këta kundërshtarë, duke i mposhtur brenda dhe jashtë vendit. Që nga pjesmarrja e parë në kualifikimet e Ligës së Konferencës evropiane, Ballkani nuk është eliminuar asnjëherë, duke shkuar në fazën e grupeve për dy vjet rresht.