Kaluan ilegalisht kufirin, policia ndalon katër shtetas të Serbisë

Policia e Kosovës ka ndaluar të mërkurën një automjet me targa të Serbisë në zonën kufitare Dobrosin-Stublinë. Sipas policisë, në automjet ndodheshin katër të dyshuar shtetas të Serbisë, të cilët dyshohet se kanë kaluar ilegalisht kufirin, transmeton Klankosova.tv. "Nga njësiti policor është ndaluar një automjet me targa të Serbisë, në të cilin gjendeshin katër të dyshuar, dy meshkuj dhe dy femra, shtetas të Serbisë, pasi që kanë kaluar ilegalisht kufirin. Lidhur me rastin është njoftuar prokurori, ndërsa rasti shkon në procedurë të rregullt", thuhet në raportin e policisë.