"Kallxoj burrit mos me ofendu nanën e tij", vërshojnë komentet te Haxhiu në postimin për Luan Haradinajn

Ushtruesja e detyrës së Presidentes, Albulena Haxhiu, ka përkujtuar përvjetorin e rënies së dëshmorit të kombit, Luan Haradinaj. Në një postim në Facebook, Haxhiu vlerësoi lart figurën e Haradinajt, duke theksuar se ai ishte ndër luftëtarët e parë të UÇK-së dhe një nga njerëzit që hapi rrugën e mbështetjes logjistike nga Shqipëria, transmeton Klankosova.tv. Megjithatë, postimi i saj ka nxitur reagime të shumta nga qytetarët në rrjetet sociale. Disa prej tyre kanë rikujtuar deklarata të mëhershme, duke thënë se bashkëshorti i saj kishte ofenduar nënën e heroit kombëtar, transmeton Klankosova.tv. "Kallxoj burrit tond per luani per te mos ofendu nene e luanit ste vjen keq me shkru per luani per deri sa ofendoni familjen e luanit ne qdo munesi qe ju jepet", ka shkruar një qytetar në postimin e Haxhiut. "Me kan gjall a i kishe than kriminel?", shkruan një tjetër qytetar. Pati edhe nga ata që Albulena Haxhiut ia kujtuan se Luan Haradinaj është vëllai i kreut të AAK-së, Ramush Haradinaj. "Qitu i i lartsoni a ne anen tjeter jau lshoni zagart mej ofendu ne lloj lloj mnyrash Families Haradinaj ju ben nder ju as emrin kurr mos mjau permen", thuhet në komentin e një qytetari. "Luani eshte vllau i Ramushit qe ti nuk ja ke zgat doren ne nje perkujtim. E tash kishe po shkruj diqka", thuhet në komentin e një qytetari tjetër, raporton Klankosova.tv. Vitin e kaluar, kreu i Aleancës, Ramush Haradinaj pati reaguar pas akuzave nga Alban Krasniqi, bashkëshortit të ushtrueses së detyrës së presidentes, për keqpërdorimin e lotëve të nënës së tij në kohë fushate. Haradinaj u pati shprehur se nuk e ka humbur besimin asnjëherë dhe se nuk është dorëzuar as në ditë më të rënda me bashkëluftëtarë. “Ditët e mira do të agojnë. Kurrë se kam humbë besimin, e nuk jam dorëzu edhe në ditët më të rënda me bashkëluftëtarët.  Na kanë dhënë zemër, forcë e besim, familjet e tyre, populli që ishte me ne, kudo në frontet e luftës dikur.  Na inkurajonin miqtë ndërkombëtarë, edhe në temat më të vështira kur po i krijonim themelet e shtetit të Kosovës”, pati deklaruar kryetari i AAK-së./Klankosova.tv https://klankosova.tv/burri-i-haxhiut-e-akuzoi-se-i-perdori-lotet-e-nenes-haradinaj-propagande-me-shkaterru-gjithcka-ne-kujtese/