“Kallet” Monza, Ferrari del i pari në kualifikime

Carlos Sainz ka bërë një xhiro të jashtëzakonshme në shtegun italian Monza gjatë kualifikimeve në Formula 1 të shtunën. Piloti spanjoll i Ferrarit me këtë rast siguroi edhe pole position në vendin që njihet si shtëpia e kokëkuqes italiane përcjell klankosova.tv. Me këtë rast ai e siguroi pozitën e parë startuese personale këtë sezon dhe të dytën për Ferrar-in. Por kjo nuk ishte aspak e lehtë pasi kualifikimet dolën të jenë tepër dramatike. Sainz e mori pozitën e parë me kohën 1:20.294 duke e lënë kampionin aktual Max Verstappen pas vetes vetëm për 13 të qindtat. Megjithatë ngushtë ishte shumë koha edhe me kolegun e tij të ekipit Charles Leclerc i cili e zuri vendin e tretë me vetëm 67 të qindtat vonesë. Ndërkohë ish kampioni i botës Lewis Hamilton do të startoj nga vendi i 8-të. Gara për shpërblimin e madh të Italisë në shtegun Monza zhvillohet të dielën në ora 15:00 dhe transmetohet në Artmotion.