Kallas: Po shohim se tensionet po rriten në Ballkanin Perëndimor

Kryediplomatja evropiane Kaja Kallas, para takimit të Këshillit të Ministrave të Jashtëm të BE-së ka folur për Ballkanin Perëndimor. Në një adresim para mediave, Kallas tha se tensionet po rriten në këtë rajon. “Ne patëm një darkë shumë të mirë dje ku diskutuam me miqtë tanë të Ballkanit Perëndimor”. “Po shohim se tensionet po rriten dhe ne duhet të lëvizim me procesin e zgjerimit, sepse kjo është gjëja që është vërtet e prekshme dhe kemi vërtet nevojë për histori suksesi këtu”, deklaroi mes tjerash ajo, njofton Klankosova.tv Zyrtarja e lartë evropiane theksoi poashtu se në takimin e sotëm që mbahet në Luksemburg do të flasin edhe për Ukrainën.