Kadriu për gjobën e shkelësve të Ligjit të Duhani: Mund të përgjysmohet

Deri në 3 mijë euro e kapin vlerën gjobat ndaj atyre të cilët e shkelin Ligjin për kontrollin e Duhanit, ligj ky i cili ndalon pirjen e duhanit në ambientet e mbyllura. Kështu ka deklaruar drejtori ekzekutiv i Agjencisë së Ushqimit dhe Veterinarisë, Flamur Kadriu, i cili tha se vetëm gjatë muajve të fundit janë shqiptuar afër 400 gjoba me vlerë të ndryshme nga mbi 3 mijë e 500 inspektime. “Varësisht prej ligjeve aktuale gjobat arrijnë në vlera të ndryshme, për Ligjin e Duhanit vlerat shkojnë deri në 3 mijë euro për shkesit që e përsërisin shkeljet e vazhdueshme, në bazë edhe të ligjit për kundërvajtje janë të përcaktuara shumë nga këto gjobat”. “Ne jo më dëshirë i gjobitim bizneset duke e ditur që jemi në një kohë ku ekonomit familjarë, bizneset hasen në shtrenjtim të çmimeve me vështirësi të ndryshëm, mirëpo vetëdijesimi është ajo e para”, tha ai për EO, transmeton Klankosova.tv. Kadriu theksoi se gjatë dy muajve në vazhdën e kontrollit të Ligjit të Duhanit janë shqiptuar 400 gjoba të ndryshme, ku tha se sipas ligjit nëse pagesa realizohet sipas afatit të caktuar ato përgjysmohen. “Mund të them që diku gjatë kësaj periudhe më pak se dy muaj që jemi në vazhdën e kontrollit të ligjit të duhanit kemi shqiptuar diku afër 400 gjoba të ndryshme, do të thotë me vlera të ndryshme diku 3500 inspektime janë arritur dhe vazhdojnë që të jenë me kontrolle deri sa ta arrijmë të kënaqshëm një vetëdijesim edhe të bizneseve edhe të qytetarëve që duhani duhet që të ndalohet, pirja në hapësirat e mbyllura”. “Pagesat në bazë të ligjit për kundërvajtje nëse realizohen brenda afatit të përcaktuar ato përgjysmohen, presim që ta kemi një raport përfundimtar se sa gjoba janë paguar”, tha ai. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.