Juventusi synon sërish huazimin e Kolo Muani

Juventusi beson te rikthimi i Kolo Muani. Bardhezinjtë po punojnë për rikthimin e sulmuesit në Torino dhe po vazhdojnë kontaktet për të tentuar mbylljen e marrëveshjes, ashtu siç është raportuar edhe në orët e fundit. Sulmuesi francez ka një ndjenjë shumë të mirë me dhomën e zhveshjes së Juves. Klubi bardhezi, nëse operacioni konkretizohet, do të dëshironte të përsëriste formulën e sezonit të kaluar, me një huazim të thjeshtë deri në qershor. Nga ana e PSG-së nuk ka sinjale të veçanta që mund të dalin kundër këtij transferimi, ndaj kjo pengesë mund të kapërcehet me diplomaci mes palëve. Tani mbetet për t’u zhbllokuar çështja me Tottenhamin: orët pas ndeshjes së Champions League në të cilën Kolo Muani pritet të nisë si titullar do të jenë vendimtare për të kuptuar nëse klubi anglez do ta lërë të lirë francezin duke ndërprerë huazimin e tij. Kolo Muani ishte pjesë e Juventusit në fazën e dytë të sezonit të kaluar, duke shënuar 8 gola në 16 ndeshje në Serie A./Klankosova.tv