Lajmet e fundit
Pothuajse menjëherë pas ndarjes nga Britney Spears, Justin Timberlake mori një laps dhe nisi të shkruajë.
Dy orë më vonë, “Cry Me a River” u krijua.
Në librin e tij të ri, "Hindsight: And All The Things I Can't See in Front of Me", Timberlake nuk e përmend këngëtaren Britney Spears me emër, por zbulon se kënga është shkruar pas një ndarjeje në vitin 2002, që përkon me kohën që ai dhe këngëtarja e muzikës pop janë ndarë.
Në ndërkohë, gjatë tërë këtyre viteve, ka pasë thashetheme se çifti ishin ndarë pasi Spears e kishte tradhtuar Timberlake, gjë që ai shkarazi e përmend në këngë.
“Unë isha i përbuzur. Unë isha i nervozuar. Ndjenjat që unë i kisha ishin aq të fuqishme sa më duhej t’i shkruaja”, ka thënë ai në libër.
“Kam përkthyer ndjenjat e mia në një mënyrë ku njerëzit mund t’i dëgjojnë dhe shpresoj se mund ta gjejnë veten. Njerëzit më kanë dëgjuar dhe e kanë kuptuar se çfarë po thoja sepse ne të gjithë kemi kaluar në këso faza”, ka thënë tutje Timberlake, transmeton Klan Kosova.
Megjithatë, duket se krejt kjo është një gjë e kaluar tani, pasi Justin Timberlake është i martuar me Jessica Biel.
Këngëtari është martuar me aktoren në vitin 2012 pas disa vjetësh lidhje dashurie.
“Ajo më ka ndryshuar, ka ndryshuar jetën time. Ajo ka qenë një influencë shumë e madhe në jetën time, e admiroj, veçanërisht tani që e shoh në rolin e nënës”, ka thënë ai.
Çifti kanë një djalë trevjeçar, Silas.
