Juria në ShBA urdhëron Meta-n të paguajë 375 milionë dollarë për rrezikimin e fëmijëve

Një juri në Shtetet e Bashkuara ka urdhëruar kompaninë Meta të paguajë 375 milionë dollarë dëmshpërblim, pasi u shpall përgjegjëse për dëmtimin e shëndetit mendor të fëmijëve dhe ekspozimin e tyre ndaj shfrytëzimit seksual. Vendimi u mor në New Mexico pas një gjyqi gjashtëjavor, ku juria konstatoi se kompania kishte vendosur fitimin mbi sigurinë e të miturve dhe kishte përdorur praktika të padrejta tregtare. Padia u ngrit nga autoritetet shtetërore pas një hetimi të fshehtë, ku llogari të rreme të fëmijëve në Instagram dhe Facebook morën përmbajtje seksuale dhe kontakte nga të rritur. Meta ka deklaruar se do ta apelojë vendimin. Ky është rasti i parë që një shtet amerikan fiton një padi të tillë ndaj gjigantit të rrjeteve sociale./Klankosova.tv