Ju vjedhin fotot? Facebook do ju informojë

Facebook ka hedhur një tjetër hap në drejtim të sigurisë së profilit të përdoruesve të saj. Shpesh herë persona të ndryshëm kanë rënë viktima të hakerimit online, ku u janë përvetësuar fotot personale. Për fat të mirë, ky funksion i ri do të lajmërojë përdoruesit nëse ka tentativa për të vjedhur profilin e tyre. Në rastet kur rrjeti social mjaft popullor beson se një llogari është false, do ta vendosë në shënjestër dhe do ta testojë, shkruan “The Sun”. Drejtoresha e Facebook për sigurinë globale, Antigone Davis tregon se sa të dëmshme janë këto sjellje hakeruese. “Është një shqetësim i vërtetë për disa femra në disa vende të botës ku vjedhja e personaliteti mund të ketë dëme kulturore dhe sociale”, thotë ajo. Por nëse Facebook nuk e dallon dot një profil fals që përdor fotot tuaja, mund të ankoheni manualisht tek rrjeti. Kushtet e përdorimit të Facebook nuk i lejojnë përdoruesit të pretendojnë se janë dikush tjetër, të vjedhin foto, të mbajën emër të rremë, të bëjnë një llogari false për një person./Top Channel/