Joachim Low thyen rekord me Gjermaninë

Selektori i Kombëtarës gjermane, Joachim Low, ka thyer rekordin për më së shumti paraqitje si menaxher i Gjermanisë, përcjell Klan Kosova. 58-vjeçari udhëheqë skuadrën gjermane që nga viti 2006 dhe të shtunën në paraqitjen kundër Holandës shënoi paraqitjen e 168-të dhe kështu ka kaluar Sepp Herbergerin i cili më parë mbante këtë rekord. Arritja më e madhe e tij me Gjermaninë që nga koha që e ka nën menaxhim padyshim se është triumfi në Kupën e Botës 2014, pastaj finalja në Euro 2008, vendi i tretë ne Kupën e Botës 2010 dhe titulli i Kupës së Konfederatave 2017. Qëndrimi i tij në këtë pozitë u vë në pikëpyetje pas rezultateve jo të mira në Botërorin e këtij viti, por ai ka konfirmuar se do të qëndrojë edhe më tutje si shef i Gjermanisë.

klankosova.tv