Lidhja Demokratike e Kosovës është duke kushtëzuar që nuk do të votojë asnjë marrëveshje ndërkombëtare, nëse Ministri i Financave, Hekuran Murati, sipas tyre nuk mundëson që mjetet vetanake të komunave t’i kthehen pushtetit lokal.
Por kreu i Financave, Murati, ka thënë se LDK-ja, duhet t’i drejtohet me një kërkesë atij dhe të pranojë se amendamenti i përgatitur nga ky subjekt politik për këtë pjesë është bërë gabim.
“Është buxheti më i lartë për komunat ndonjëherë si rezultat i të hyrave të qeverisë. Nuk bëhet fjalë për bllokim të fondeve të komunave. Kërkesa duhet të vjen nga ju”, i është drejtuar Murati, LDK-së.
Shefi i deputetëve të këtij subjekti, Arben Gashi në anën tjetër ka thënë se ata kanë bërë amandametimin që heq nga ligji marrjen e të hyrave vetanake.
“Ky ministër e ka shkaktuar këtë problem dhe po mendon që duke u sjell me gjuhë të padinjitetshme, kujton se mund të flasë ‘amandamenti gabim, amendamenti gabim’. Fol sa të duash. E vërteta është se ti ke dashur të marrësh mjetet. Kjo nuk mund të ndodhë. Pikë. Derisa të vetëdijesohet ministri, qëndirimi ynë nuk ndryshon".
“Për ne gjithçka është e qartë. Ligji është në rregull, thjeshtë ky nuk po dëshiron ta zbatojë”.
Pas Gashit, e gatshme për kompromis ka qenë shefja e Grupit Parlamentar të Lëvizjes Vetëvendosje.
“Është e vërtetë që Murati e ka për detyrë menaxhimin buxhetit por Ministria e Financave e ka për obligim respektimin e ligjit. Kemi mbështetur amendamentin e LDK-së kur është propozuar. Mbështesim kërkesën nëse e bëjnë për Muratin për plotësim-ndryshim të ligjit që të hiqet kufizimi i ligjit që e ka Thesari për ekzekutimin e mjeteve”, ka thënë Mimoza Kusari-Lila.
Derisa për Besnik Tahirin e AAK-së qasja e ministrit Murati është duke e dëmtuar konsensusin politik për votimin e marrëveshjeve ndërkombëtare.
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iOS
●●●
LSHKRIMI NGA
LiZe
Editorial nga Klan Kosova — ndjek lajme dhe zhvillimet e tjera kryesore të vendit.
