Jennifer thotë se burrat janë më të ndjeshëm dhe të brishtë se gratë

Rolet stereotipike gjinore mund t'i paraqesin femrat si gjini më të ndjeshme, por ndryshe mendon Jennifer Lopez, e cila foli për Vanity Fair duke thënë se burrat janë "shumë më të brishtë".

Duke folur për filmin e saj të ri “A Second Act”, në të cilin luan si një menaxhere e asistentëve të shitjes e që trajton egon delikate të personazheve mashkullorë rreth saj, njofton Klan Kosova.

Lopez shpjegoi se shpesh e gjen veten duke bërë këtë edhe në jetën reale.

"Është thënë se jemi gjinia më e brishtë dhe e ndjeshme, por mendoj se e vërteta është se burrat janë shumë më të brishtë dhe më të ndjeshëm se ne”, tha këngëtarja 49 vjeçare.

Ajo po ashtu shtoi se gratë duhet të jenë të kujdesshme dhe të jenë të forta dhe të sigurta.