Ylli i njohur Jennifer Lopez, pati një mysafir të veçantë në skenë në turneun e saj të fundit The Forum në Inglewood.
Në performancën e saj të mbrëmshme, Jennifer Lopez ishte e shoqëruar nga vajza e saj 11 vjeçare, Emme, njofton Klan Kosova.
Sikurse nëna e saj, edhe Emme goditi skenën ndërsa kënduan duetin ''Limitless'' të shkëputur nga albumi ''Second Act''.
https://www.instagram.com/p/BydGMuHghzs/
Në paraqitjen e tyre u panë të koordinuara edhe në veshje pasi të dyja kishin zgjedhur fustane ngjyrë të kuqe, ndërsa kjo mbrëmje u cilësua si ndeja më e veçantë e turneut të Jennifer Lopez.
Pamjet e publikuara tregojnë një moment kur këngëtarja e njohur largohet nga vajza e saj me dorën e saj në gjoks, e zënë me emocion gjatë duetit të madh.
Veç kësaj për duetin e përbashkët të Jennifer Lopez pati reagime të shumta duke iu dhënë mbështetje të pafundtë, njofton Klan Kosova.
●●●
KKSHKRIMI NGA
Klan Kosova
Editorial nga Klan Kosova — ndjek prive dhe zhvillimet e tjera kryesore të vendit.
