Jennifer Garner dhe Ben Affleck shihen prapë bashkë

Jennifer Garner dhe Ben Affleck dukeshin më të lumtur se kurrë kur u panë bashkë në Santa Monica gjatë ditës së djeshme. Aktorja 46 vjeçare e "Camping" dhe aktori po ashtu 46 vjeçar i "Justice League", që e kanë finalizuar divorcin e tyre në muajin tetor, ishin shumë të buzëqeshur derisa po ecnin së bashku. Garner është kapur nga fotografët duke qeshur me të madhe derisa Affleck me një kafe në duar po ecte krah saj. Aktorët ishin ritakuar në muajin janar për të marrë pjesë në një meshë në Los Angeles ku ishin bashkë me fëmijët e tyre – vajzat Violet (13), Seraphina (10) dhe djalin Samuel (6). Edhepse të dy kanë ecur përpara me jetën e tyre të dashurisë – Garner është në lidhje me biznesmenin John Miller dhe Affleck me producenten e Saturday Night Live, Lindsay Shookus – ata sërish takohen për hir të fëmijëve të tyre. “Ben dhe Jen kanë dashuri dhe respekt për njëri-tjetrin. Ata i rrisin fëmijët e tyre së bashku dhe ata do të jenë gjithmonë të parët, në prioritetet e tyre”, ka thënë një burim për Us Weekly në tetor të vitit 2018.