JD Vance: Nëse Bideni tërhiqet nga gara duhet të japë edhe dorëheqjen nga presidenca

Kandidati për zëvendëspresident i Partisë Republikane, JD Vance, po i bën thirrje presidentit amerikan Joe Biden të japë dorëheqjen, duke argumentuar se ata që e nxisin atë të largohet nga gara pa u larguar nga detyra janë "të përfshirë në një nivel absurd cinizmi".

“Të gjithë ata që i bëjnë thirrje Joe Biden-it të *ndalojë kandidimin* pa i bërë thirrje gjithashtu të japë dorëheqjen nga presidenca, janë të përfshirë në një nivel absurd cinizmi. Nëse nuk mund të kandidosh, nuk mund të shërbesh. Ai duhet të japë dorëheqjen tani”, postoi senatori i Ohajos në X.

Vance e ka thënë edhe më parë këtë, por kjo është hera e parë që ai e bën këtë si kandidat për zëvendëspresident republikan.