Japonia goditet nga një tërmet 6 shkallësh

Agjencia Meteorologjike Japoneze ka bërë të ditur se rajoni i Fukushimës është goditur nga një tërmet me magnitudë prej 6 shkallë të Rihterit.

Tërmeti u ndje edhe në Tokio, por nuk raportohet për dëme apo të lënduar pas tërmetit, epiqendra e të cilit kishte një thellësi prej 40 kilometra.

Operatori i termocentralit bërthamor të Fukushimës tha se asnjë anomali nuk është vërejtur në termocentralin e goditur nga tërmeti, shkruan Reuters, transmeton Klankosova.tv.

Dje, Tajvani është goditur nga një tërmet me magnitudë prej 7.4 ballë të Rihterit ku deri më tani janë raportuar nëntë persona të vdekur dhe afro 1 mijë të lënduar.