Janë mbi 100 vjeç dhe të dy i thanë njëri-tjetrit ‘’Po’’ për tu martuar (FOTO)

Nuk është kurrë vonë për të gjetur dashurinë. Çifti i ri John dhe Phyllis Cook po shijojnë jetën e tyre së bashku në Ohio, njofton Klan Kosova. John sapo ka mbushur 100 vjeç ndërsa Phyllis do mbushë 103 vjeç më 8 gusht. Ata u takuan ndërsa jetonin në një azil në Kingston dhe vendosën të martoheshin. Çifti shkuan në gjykatë për të marrë licensën e martesës javën e kaluar dhe më pas u martuan. Por nuk ishte një vendim i nxituar nga ana e tyre. John dhe Phyllis ishin në një lidhje prej një viti. ''Nuk ishte e planifikuar'', tha 100 vjeçari për NBC24. ''Të them të vërtetën, ne u dashuruam me njëri-tjetrin. E di që ju mendoni se kjo mund të jetë paksa e largët për dikë në moshën tonë, por ne u dashuruam me njëri-tjetrin'', tha Phyllis. Të dy janë martuar nga dy herë në të kaluarën dhe ndihen me fat që gjetën dashurinë për herë të tretë.