Jamie Foxx tregon se pse nuk do të martohet kurrë

Jamie Foxx foli për arsyen e asaj se pse ai kurrë nuk e ka ndërmend të martohet. Artisti 53-vjeçar u ndal në Daily Pop të kanalit E! për të promovuar librin e tij të ri "Act Like You Got Some Sense" dhe zbuloi arsyen e tij pas këtij vendimi. Sipas Jamie, ai thotë se mënyra e jetesës së "prerësit të biskotave" thjesht nuk i përshtatet atij. Jamie gjithashtu mendon se marrëdhënia me vajzat e tij, Corrine 27-vjeçare dhe Annalize 12-vjeçare, është më e mirë për shkak të kësaj. "Shumë nga martesat përfunduan duke mos qenë mirë teksa fëmijët rriten. Fatkeqësisht, pamë që fëmijët u ndanë nga familjet e tyre", shtoi ai. "Ne, në fakt u afruam më shumë. Kështu që nuk e di se çfarë është, thjesht e di që është ndryshe, por është një dashuri e madhe". "Presioni i të qenit i martuar, nuk mendoj se mund të kemi një bisedë për këtë. Unë thjesht vazhdoj të eci tutje", shtoi Jamie. Ai gjithashtu foli për mbajtjen pranë të familjes së tij: “Ishte sipas dëshirës që e gjithë familja ime të jetonte me mua, sepse nuk dua që ata të jetojnë larg nga rrethanat e mia. Dua që të shohin dhe ndajnë gjërat nëpër të cilat kaloj. Ka shumë punë, shumë zhgënjim, por ka edhe shumë gjëra për të festuar".