Ja si nisi konflikti mes shoferëve të autobusëve në Prishtinë (VIDEO)

Në rrugën “Lidhja e Prizrenit”, afër xhamisë së Llapit, shoferët e autobusëve për Podujevë të cilët janë në grevë, u përleshen mes vete e pastaj edhe me Policinë. Klankosova.tv ka siguruar pamjet nga momentet pak para përleshjes mes shoferëve të autobusëve, të cilët fillimisht patën nje konflikt verbal e që më pas kaloi në sulm fizik. Nga kjo përleshje mbetën pesë të lënduar, derisa të përfshirët janë përcjell për në stacionin policor. Lajmin për Klankosova.tv e konfirmoi zëdhënësja e policisë për rajonin e Prishtinës, Flora Ahmeti. “Sot rreth orës 20:00 është pranuar informata për një rrahje në rrugën “Lidhja e Prizrenit” në Prishtinë. Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes pesë persona janë lënduar dhe të njëjtit menjëherë kanë pranuar trajtimin e nevojshëm mjekësor." "Policia ka shoqëruar në stacion policor 5 persona të dyshuar të cilët ishin të përfshirë në rast. Aktualisht policia po  vazhdon punën për zbardhjen e rrethanave dhe motiveve që karakterizojnë ngjarjen”, tha Ahmeti për Klankosova.tv. Në lidhje me sulmin për Klankosova.tv ka folur Salih Asllani nga kompania "Besarti Lines", i cili tha se kompania e tij kishte sulme të njëpasnjëshme çdo ditë nga kompanitë e autobusëve të Podujevës. "Jemi sulmuar çdo ditë, që nga bllokimi i rrugëve me autobusë, e deri te ngacmimet fizike dhe kërcënimet direkte që do të na vrasin". "Sonte, Policia e Kosovës fatmirësisht ishte në rrugë dhe e pa 'live' ngjarjen. Ishin mbi 15 persona që rrinin në gatishmëri për të na sulmuar. Më pas ka ndërhyrë policia, të cilët i ka arrestuar", tha ai për Klankosova.tv. https://www.youtube.com/watch?v=bHZLaAElOA0