Izraeli pretendon se ka vrarë udhëheqësin e krahut ushtarak të Hamasit në Liban

Një udhëheqës i krahut ushtarak të Hamasit në Liban është vrarë në një sulm të rrallë ajror izraelit pranë qytetit më verior të Libanit, Tripolit.

Në një deklaratë të përbashkët, Forcat e Mbrojtjes izraelite dhe agjencia izraelite e inteligjencës Shin Bet thanë se ata vranë Saeed Atallah Ali, "një anëtar i lartë i Krahut Ushtarak të Hamasit në Liban", për të cilin ata pretenduan se "ka kryer sulme terroriste kundër objektivave izraelite dhe ka punuar për të rekrutuar operativë të Hamasit brenda Libanit”, shkruan CNN, transmeton Klankosova.tv.

Besohet se qyteti i dytë më i madh i Libanit, Tripoli, nuk është shënjestruar që nga konflikti i vitit 2006 midis Hezbollahut dhe Izraelit. Sulmet e Izraelit janë fokusuar kryesisht në jug të vendit dhe në bastionet e Hezbollahut në Bejrutin jugor.