Lajmet e fundit
Zyrtarët e Izraelit thanë se shteti i tyre do të intensifikojë sulmet ajrore ndaj magazinave të armëve të avancuara në Siri.
Ata të hënën tutje thanë se do të mbajë një prani të kufizuar ushtarake në terren, duke shpresuar të parandalojë çdo kërcënim që mund të lindë nga pasojat e rrëzimit të presidentit Bashar al-Assad.
Ministri i Mbrojtjes, Israel Katz, tha se ushtria do të "shkatërrojë armë strategjike të rënda në të gjithë Sirinë, përfshirë raketa sipërfaqe-ajër, sisteme mbrojtjeje ajrore, raketa tokë-tokë, raketa kruse, raketa me rreze të gjatë dhe raketa bregdetare", raporton Reuters, transmeton Klankosova.tv.
Një zyrtar i lartë izraelit tha se sulmet ajrore do të vazhdojnë në ditët në vijim, ndërsa ministri i Jashtëm, Gideon Saar, tha se Izraeli nuk kishte interes të ndërhynte në çështjet e brendshme të Sirisë dhe se shqetësimi i vetëm ishte mbrojtja e qytetarëve të tij.
Saar theksoi se sulmet synonin shkatërrimin e armëve strategjike, si armët kimike ose raketat me rreze të gjatë, për të parandaluar që ato të bien në duar siç thotë ai të ekstremistëve, raporton Reuters, transmeton Klankosova.tv.
