“Izraeli dhe Siria ranë dakord për armëpushim”, thotë ambasadori i ShBA-së në Turqi

Siria dhe Izraeli kanë rënë dakord për një armëpushim, tha të premten ambasadori i ShBA-së në Turqi, Tom Barrack. Marrëveshja u “pranua” nga Turqia, Jordania dhe vendet e tjera fqinje, tha ambasadori, i cili shërben gjithashtu si i dërguari special i ShBA-së në Siri, në një postim në X, shkruan CNN transmeton Klankosova.tv. “Ne u bëjmë thirrje druzëve, beduinëve dhe sunitëve të ulin armët dhe së bashku me pakicat e tjera të ndërtojnë një identitet të ri dhe të bashkuar sirian në paqe dhe prosperitet me fqinjët e tyre”, tha Barrack.