Izraeli dhe Libani zhvillojnë bisedimet të drejtpërdrejta, e para që nga viti 1993

Libani dhe Izraeli kanë zhvilluar bisedimet e tyre të para diplomatike në më shumë se tre dekada, një takim i rrallë që synon t'i japë fund luftimeve midis Izraelit dhe grupit Hezbollah të mbështetur nga Irani. Sekretari i Shtetit i SHBA-së, Marco Rubio, i cili ndërmjetësoi, tha se ishte një "mundësi historike" për t'i dhënë fund ndikimit të Hezbollahut, shkruan BBC, raporton KlanKosova.tv. Një deklaratë e SHBA-së tha se të dy palët kishin rënë dakord të nisnin negociata të drejtpërdrejta, në një kohë dhe vend që do të përcaktohet. Izraeli tha se donte të çarmatoste të gjitha grupet terroriste jo-shtetërore - një referencë për Hezbollahun. Libani bëri thirrje për një armëpushim dhe masa për të adresuar krizën e tij humanitare. Të dy vendet nuk kanë marrëdhënie diplomatike dhe bisedimet e fundit të drejtpërdrejta të nivelit të lartë midis tyre u zhvilluan në vitin 1993.