Izraeli "dëshiron të kryejë veprime kundër Iranit në koordinim me Shtetet e Bashkuara"

Kabineti i luftës i Izraelit sapo ka përfunduar një takim dhe raportet e mediave thonë se Izraeli dëshiron të ndërmarrë veprime kundër Iranit të koordinuar me ShBA-në.

Channel 12 News raporton se objektivi i Izraelit është të dëmtojë Iranin pa shkaktuar një luftë të plotë, transmeton Klankosova.tv.

Ky lajm nga kabineti i luftës i Izraelit duket se bie ndesh me komentet që i atribuohen presidentit amerikan, Joe Biden.

Zyrtarët kishin thënë se Biden e paralajmëroi kryeministrin izraelit, Benjamin Netanyahun se ShBA nuk do të merrte pjesë në një kundërsulm kundër Iranit.