Ismet Peja përcillet sot në banesën e fundit në varrezat e qytetit të Gjakovës

Këngëtari i njohur i muzikës popullore shqipe, Ismet Peja, do të përcillet sot për në banesën e tij të fundit në varrezat e qytetit të Gjakovës. Varrimi i tij bëhet në ora 15:00, thuhet në njoftimin mortor të familjes Peja, transmeton Klan Kosova. Ismet Peja ndërroi jetë në orët e para të mëngjesit të kësaj të hëne, dhe këtë njoftim të trishtë e dha djali i tij, Visar Peja.