Ismaili pritet në Departamentin e Thesarit të ShBA-së, shpreh falënderim për mbështetjen amerikane

Guvernatori i Bankës Qendrore të Kosovës, Ahmet Ismaili, është pritur në Departamentin e Thesarit të Shteteve të Bashkuara të Amerikës, bashkë me bashkëpunëtorë. Ata kanë zhvilluar takim me Zëvendës Ndihmës Sekretarin e këtij departamenti, Luyen Tran dhe ekipin e tij të Zyrës se Asistencës Teknike në Uashington. “Diskutimet kishin për qëllim forcimin e bashkëpunimit ndërmjet dy institucioneve, në ngritjen e kapaciteteve të BQK-së”, thuhet në njoftim, transmeton KlanKosova.tv. Ismaili ka shprehur falënderim për ndihmën amerikane për zhvillimin e Sistemit Qendror Depozitar të Letrave me Vlerë, krijimin e linjave të likuiditetit si dhe bashkëpunimin e suksesshëm në shumë projekte të tjera për mbikëqyrjen bankare dhe sigurimeve, si dhe në kornizën e luftimit të pastrimit të parave dhe financimit të terrorizmit. Në këtë takim janë diskutuar mundësitë e reja të asistencave teknike dhe bashkëpunimit, me qëllim të forcimit të partneritetit me Departamentin e Thesarit të SHBA-së. [caption id="attachment_2289000" align="alignnone" width="640"] Ahmet Ismaili, Guvernator i Bankës Qendrore ë Kosovës në Departamentin e Thesarit të ShBA-së[/caption]