"Ishte një ditë jashtëzakonisht e rëndësishme për Kosovën dhe paqen", thotë Osmani nga Washingtoni (VIDEO)

Presidentja Vjosa Osmani, gjatë pjesëmarrjes në takimin inaugurues të Bordit të Paqes në Waashington mori një porosi edhe nga presidenti amerikan, Donald Trump. Shefi i Shtëpisë së Bardhë ia përcolli mesazhin të parës së shtetit të Kosovës se nëse vendi ynë ka ndonjëherë probleme me Serbinë mund ta thërrasin vet Trumpin dhe se ai do të merret me çështjen. https://klankosova.tv/me-telefononi-kur-keni-telashe-cfare-porosie-pati-trumpi-per-osmanin-video-1111/ Këtë deklaratë të presidentit amerikan, Osmani e ka komentuar në një intervistë në Rubikon të Klan Kosovës. “Kjo është një garancë e fuqishme nga presidenti amerikan personalisht dhe nga bisedat që i kisha me gjithë ekipin e tij, nga sekretari Rubio deri tek të deleguarit special ne morrëm garanca të tilla që Kosova vazhdon ta ketë një përkrahje  dhe vëmendje të fuqishme “, tha ajo, njofton Klankosova.tv. Mes tjerash, shefja e shtetit tregoi se me homologun amerikan kanë pasur mundësi të diskutojnë edhe çështje të tjera të ndryshme. “Ka qenë në përgjithësi ditë e rëndësishme që e ka konfirmuar Republikën e Kosovës, ndër shtetet që japin kontribut për paqe dhe siç e dini anëtarësimi në çdo organizatë ndërkombëtare, Kosovës ia fuqizon subjektivitetin. Por kjo ka më shumë peshë se sot pata mundësinë  që të takohemi, të afrohemi shumë tek vendimmarrja e rëndësishme për shtetin tonë”. “Poashtu të jeni anëtar themelues, anëtar i barabartë me shtetet tjera për Kosovën domethënë shumë. Ishte një ditë jashtëzakonisht e rëndësishme për Kosovën, një ditë jashtëzakonisht e rëndësishme për paqen”, shtoi Osmani, njofton Klankosova.tv   https://www.youtube.com/watch?v=_2PjcyZaicE