Ishte duke gërmuar pa leje, prokuria jep urdhër ndaj një qytetari që të ndalë përdorimin e mjeteve motorike

Prokuroria Themelore në Mitrovicë bën të ditur se ka dhënë urdhër të përkohshëm ndalues për mjetet motorike, të cilat me datë 20 maj 2025 i janë zënë të dyshuarit S.V.,  në fshatin Popovcë të Leposaviqit. I njëjti ishte duke gërmuar me makineri të rëndë dhe pa leje përkatëse për ta zhvilluar këtë veprimtari. Me këtë rast është dhënë urdhër i përkohshëm ndalues për mjetet motorike: Një kamion i markës Volvo 380 ngjyrë e kaltër me tabela vendore regjistrimi, Një bager Ulta 150 L ngjyrë e verdhë pa dokumente. Për këtë rast ndaj të dyshuarit S.V., është hapur rast për veprën penale “Ndotja, degradimi ose shkatërrimi i mjedisit”. /Klankosova.tv