Ish-kryeministri izraelit: Ajo që po bën Izraeli në Gaza është afër “një krimi lufte”

Ish-kryeministri izraelit, Ehud Olmert, ka thënë se ajo që Izraeli po bën tani në Gaza, është shumë afër “një krimi lufte”. Sipas Olmertit, lufta në Gaza është një luftë pa qëllim dhe një luftë pa shans për të arritur diçka që mund të shpëtojë jetën e pengjeve. “Mijëra palestinezë të pafajshëm po vriten si dhe shumë ushtarë izraelitë. Nga çdo këndvështrim, kjo është e bezdisshme dhe skandaloze”, tha Olmert për BBC, transmeton Klankosova.tv. Në anën tjetër, kryeministri izraelit Benjamin Netanyahu është shprehur se do ta marrin kontrollin në të gjithë Gazën, por ofensiva do të ndalet nëse Hamasi liron pengjet izraelite dhe dorëzon armët. Izraeli thotë gjithashtu se Mbretëria e Bashkuar, Franca dhe Kanadaja, të cilat i kërkuan Izraelit të ndryshojë rrjedhën e veprimit në Gaza, po qëndrojnë në "anën e gabuar të historisë".