Ish-kryebashkiaku i New Yorkut, regjistrohet si banor i Tiranës

Ish-kryebashkiaku i New Yorkut, Eric Adams tani edhe është shtetas i Shqipërisë Pak ditë më parë, Adams mori nënshtetësinë shqiptare, ndërsa tani ka kryer procedurat e regjistrimit si rezident i kryeqytetit të Tiranës, transmeton Klankosova.tv. Lajmin e ka bërë të ditur kreu i Njësisë Nr. 2, Florian Pullazi i cili ka publikuar pamjet e procedurës së regjistrimit të tij si rezidentë i kryeqytetit shqiptar. Postimi i plotë: Eric Adams, banori më i ri i njësisë nr. 2 në Tiranë! Me kënaqësi mikprita sot në ambientet e njësisë administrative nr. 2 në Tiranë, ish-kryetarin e bashkisë së Nju-Jorkut dhe ish-senatorin e njohur, Eric Adams. Eric Adams është një mik i madh i shqiptarëve - sot, shqiptar me pasaportë  - përveçse një politikan i njohur për fokusin tek çështjet e sigurisë publike, si ish-kapiten i Departamentit të Policisë së Nju-Jorkut. Siç e thotë edhe vetë ai, marrja e shtetësisë shqiptare është edhe reflektim i lidhjes së gjatë dhe të thellë mes qytetit të Nju-Jorkut dhe  komunitetit shqiptar në SHBA. Kënaqësi që, nga sot, e kemi banor të njësisë nr. 2 në kryeqytet!