Isak Guta, shkrimtari që ia kushtoi një jetë të tërë Aleksandër Moisiut

Para 139 vjetësh u lind aktori më i madh shqiptar me përmasa botërore, Aleksandër Moisiu. Moisiu nga shumë kritikë cilësohet si aktori më i madh i të gjitha kohërave në teatër. Max Brod një herë kishte shkruar se “Hamleti është shkruar për Moisiun dhe Moisiu ka lindur për ta interpretuar Hamletin”, pasi kishte parë përformancën e Moisiut. Por, jetën dhe veprën e kolosit shqiptar pak kush e njeh më mirë se shkrimtari Isak Guta. Guta që kishte kryer në Pragë për Teknologjinë e Filmit dhe Regjinë e Filmit, ka shkruar plotë shtatë libra për Moisiun. Detaje që pak, ose aspak njerëz i dinë mund t’i gjeni në librat e Gutës. Një nga këta libra është edhe “Moisiu dhe Bëma e Librit” që doli si libërth nga një punim më i madh i Gutës i titulluar “Emblema”. Promovimi i këtij libri u bë të premten e kaluar në Ferizaj, ku morën pjesë profesorë, shkrimtarë e personalitet tjera të rëndësishme të artit shqiptar, njofton Klan Kosova.  

klankosova.tv