Iranianët shënojnë 40 ditë nga vrasja e udhëheqësit suprem, qytetarët vajtojnë në Teheran

Iranianët kanë dalë sot në rrugët e Teheranit për të shënuar ditën e 40-të që nga vrasja e Udhëheqësit Suprem, Ajatollah Ali Khamenei. Në Islamin Shiit, dita e 40-të pas vdekjes shënon pjekurinë e shpirtit të personit të ndjerë dhe shënon fundin e periudhës së zisë, shkruan CNN, raporton KlanKosova.tv. Imazhet tregojnë turma të mëdha tw njerwzve duke vajtuar të mbledhur në kryeqytetin e Iranit, duke valëvitur flamuj iranianë dhe duke mbajtur fotografi të ish-udhëheqësit suprem, me një banderolë që mbante gjithashtu një portret të Khameneit. Khamenei, i cili sundoi vendin për gati katër dekada, u vra në sulmet e përbashkëta SHBA-Izrael ndaj Iranit më 28 shkurt. Djali i tij, Mojtaba Khamenei, është emëruar si pasardhës i tij, por nuk është shfaqur në publik. Disa deklarata të supozuara në emër të udhëheqësit të ri janë lexuar në televizionin shtetëror. CNN mëson se ende nuk është mbajtur ceremoni varrimi për udhëheqësin e ndjerë suprem në Iran./KlanKosova.tv.