Irani thotë se bisedimet me SHBA-në në Oman ishin "fillim i mirë'', do të vazhdojnë

Diplomati më i lartë i Iranit tha të premten se bisedimet bërthamore me ShBA-në të ndërmjetësuara nga Omani kishin një "fillim të mirë" dhe do të vazhdojnë, në vërejtje që mund të ndihmojnë në zbutjen e shqetësimeve se dështimi për të arritur një marrëveshje mund ta shtyjë Lindjen e Mesme më afër luftës. Por Ministri i Jashtëm Abbas Araqchi tha pas bisedimeve në kryeqytetin e Omanit, Muscat, ku morën pjesë ai, i dërguari special i SHBA-së Steve Witkoff dhe dhëndri i Presidentit të ShBA-së Donald Trump, Jared Kushner, se "çdo dialog kërkon përmbajtje nga kërcënimet dhe presioni. (Teherani) diskuton vetëm çështjen e tij bërthamore... Ne nuk diskutojmë asnjë çështje tjetër me ShBA-në".