Irani në dilemë për pjesëmarrje në bisedimet e reja me ShBA-në

Irani nuk ka vendosur ende nëse do të marrë pjesë në raundin e ri të bisedimeve të paqes me Shtetet e Bashkuara, ka bërë të ditur një zyrtar i lartë iranian. Zëdhënësi i Ministrisë së Jashtme, Esmaeil Baqaei, deklaroi se vendimi për pjesëmarrje në negociatat e planifikuara për më vonë këtë javë ende nuk është marrë, raporton SkyNews, transmeton Klankosova.tv “Nuk kemi vendosur nëse do të marrim pjesë në raundin e ri të bisedimeve të paqes me Shtetet e Bashkuara", tha ai në një prononcim të transmetuar nga televizioni shtetëror. Baqaei sugjeroi që Irani nuk ishte ende gati të "ndërmerrte veprime" diplomatike, duke thënë: "Diplomacia është një mjet për të siguruar interesat dhe sigurinë kombëtare, dhe sa herë që arrijmë në përfundimin se ekzistojnë kushtet e nevojshme dhe të arsyeshme për të përdorur këtë mjet... ne do të ndërmarrim veprime". /Klankosova.tv