Irani lëshon një valë të re raketash drejt Izraelit

Irani po lëshon një valë të re raketash drejt Izraelit, thotë IDF, pas sulmeve izraelite ndaj infrastrukturës bërthamore iraniane. Ushtria izraelite i paralajmëroi qytetarët në të gjithë vendin të qëndrojnë pranë strehimoreve, shkruan CNN, transmeton Klankosova.tv Forcat Mbrojtëse të Izraelit (IDF) thanë se sistemet e tyre mbrojtëse po vepronin për të kapur raketat. “Komanda e Frontit të Brendshëm u ka udhëzuar banorëve në të gjithë vendin të qëndrojnë afër hapësirave të mbrojtura. Lëvizja në zonat publike duhet të minimizohet dhe tubimet publike duhet të shmangen”, tha IDF në një deklaratë. Një ekip i CNN në Tel Aviv raportoi se sirenat u dëgjuan në qytet. /Klankosova.tv