Invalidi i luftës kritikon pushtetin: Ndihem i anashkaluar prej shtetit tim (VIDEO)

Invalidi i luftës, Qerim Gjocaj, në emisionin “Ora Shtatë” ka shprehur pakënaqësinë e tij për mënyrën se si, sipas tij, po trajtohen sot liria dhe vlerat e luftës çlirimtare të Kosovës.

Ai tha se ndihet i fyer, i diskriminuar dhe i anashkaluar nga shteti, jo vetëm si individ, por edhe në emër të ish-luftëtarëve të tjerë të Ushtrisë Çlirimtare të Kosovës, transmeton Klankosova.tv. Ish-ushtari thotë se s’ka gjë më të turpshme e më jonjerëzore fyerja e ofendimi ndaj vlerave më sublime të vendit.

Sinqerisht ndihem i fyer, ndihem i diskriminuar, ndihem i anashkaluar prej shtetit tim, jo vetëm si individ, jo si Qerim, por po e them edhe në emrin e të gjithë çlirimtarëve të tjerë në këtë drejtim, nuk ka diçka më të turpshme, më jonjerëzore, më jomorale që të luhet dhe të bëhet fyerje në drejtimin e luftëtarëve të Ushtrisë Çlirimtare të Kosovës. Jo vetëm ndaj atyre që kanë dhënë gjymtyrë të trupit dhe gjak, por edhe te ai ushtari më i thjeshti”, u shpreh Gjocaj në Klan Kosova.