Intervistë ekskluzive me ekspertin e transferimeve Di Marzio: Kosova është mundësi e mirë për lojtarë të talentuar (VIDEO)

Gazetari Arlind Sadiku ka realizuar një intervistë ekskluzive me ekspertin e transferimeve, Gianluca Di Marzio i cili ka folur Ligën e Kampionëve, e ndër të tjera edhe për lojtarët e kombëtares së Kosovës. I pyetur se si shihen talentët kosovarë nga skautët dhe klubet italiane krahasuar me vendet tjera në Ballkan, Di Marzio tha se skautët italianë e dijnë që nëse blen një lojtar nga Kosova, siç u shpreh ai, nuk blen vetëm lojtar të talentuar, por edhe një person shumë të mirë. Di Marzio gjithashtu u shpreh se Kosova është mundësi e mirë për lojëtarë të talentuar dhe tha se është në interes për futbollin e tyre që të gjejnë talentë të rinj në Kosovë, përcjell Klankosova.tv. "Mendoj se Kosova është mundësi shumë e mirë për lojtarë të talentuar. Për të transferuar lojtarë që kanë zemër. Kanë mentalitetin e duhur. Shembull si Rrahmani dhe Zhegrova që luajnë shumë mirë. Poashtu janë djem shumë të mirë". "Skautët italianë e dijnë që nëse blen një lojtar nga Kosova, nuk blen vetëm lojtar të talentuar, por edhe person shumë të mirë. Me zemër, njerëzorë. Ata duan të arrijnë suksese. Nuk shiten si fenomenë. Mendoj se aktualisht është në interes për futbollin tonë që të vijnë dhe të gjejnë talentë të rinj në vendin tuaj", u shpreh tutje ai./Klankosova.tv