Intervista e ministres ndërpritet nga djali i saj, i cili hyn e tund një karotë të deformuar (VIDEO)

Një ministre e kabinetit të Zelandës së Re është bërë figura e fundit publike që është turpëruar nga një incident fatkeq në platformën Zoom, pasi intervista e saj televizive e drejtpërdrejtë u ndërpre nga djali i saj, i cili hyri në dhomë i emocionuar duke tundur një karotë të deformuar. Carmel Sepuloni, ministrja për Zhvillimin Shoqëror, ishte duke bërë një intervistë të drejtpërdrejtë të Zoom me Radio Samoa kur djali i saj hyri në derë, duke mbajtur një karotë në formë të çuditshme që me sa duket e kishte gjetur në mesin e sendeve ushqimore. Kjo është vetëm njëra nga intervistat televizive në distancë, që ndërpriten nga fëmijët e papërmbajtshëm, një zhanër që është bërë gjithnjë e më i zakonshëm në epokën e COVID-19, pasi intervistat dhe takimet kalojnë në thirrje video. "Ai momenti kur jeni duke bërë një intervistë LIVE përmes Zoom dhe djali juaj hyn në dhomë duke bërtitur dhe duke mbajtur një karotë të deformuar në formë të një pjese të trupit mashkullor," ka shkruar Sepuloni në Twittër të përcjellë me videon e incidentit. "Po, ne pothuajse po luftonim për një karotë në kamera, dhe po, unë jam duke qeshur për këtë tani, por nuk isha në atë kohë!”, ka shtuar Sepuloni. https://www.youtube.com/watch?v=UD0BxE9_If0