Interesimi i madh për ndeshjen Kosovë-Turqi, shtohet numri i linjës 1A

Të martën e 31 marsit do të zhvillohet ndeshja Kosovë-Turqi, në kuadër të ndeshjeve të play off-it për Kupën e Botës. Me rastin e rritjes së kërkesës për qarkullim, për shkak të zhvillimit të kësaj ndeshjeje në stadiumin “Fadil Vokrri”, komuna e Prishtinës në bashkëpunim me Trafikun Urban, nesër dhe 1 prill do të shtojnë nisjet në linjën 1A Aeroport - Prishtinë dhe anasjelltas, transmeton Klankosova.tv. Bazuar në njoftimin e komunës, nisjet do të realizohen çdo një orë, nga ora 06:00 deri në 00:00, nga Aeroporti Ndërkombëtar i Prishtinës “Adem Jashari” dhe nga Stacioni i Autobusëve në Prishtinë.