Inter sonte ia kërkon tre pikë "Zonjës së vjetër" për kreun e Serie A

Sonte me fillim nga ora 20:45, do të luhet njëri nga derbit më të mëdhenj të futbollit evropian. "Allianz Stadium" do të jetë arena ku do të përballen dy gjigantët e Serie A. Juventus dhe Inter, do të kenë një çështje goxha me rëndësi për të diskutuar në fushën e gjelbërt, që ka vlerën e hiç më pak se tri pikë. Aktualisht, "Zonja e vjetër" renditet e pesta në Serie A. derisa "Nerazzurët" janë të dytët në tabelë me 54 pikë, dy më pak sesa lideri, Napoli. Sonte djelmoshat nga qyteti i modës me çdo kusht do t'i kërkojnë pikët e plota, për ta 'rrëmbyer' kreun e tabelës, pasi të shtunën napolitanët nuk arritën më tepër se një barazim 2:2 kundër romakëve të Lazios. Secila pikë është e rëndësishme për të dyja skuadrat, në luftën për titull si dhe plasmanin sa më të mirë për zonën evropiane. Juventus në ndeshje zyrtare deri më tani i kanë fituar 26 ndeshje përballë Interit. Në anën tjetër, skuadra e Simone Inzaghit i ka të fituara 16 lojë, kurse 24 përballje përfunduan baras.