Inter i tmerrshëm në ndeshjet e fundit

Skuadra italiane Inter nuk është duke parë dritë me sy në javët e fundit në kuadër të kampionatit elitar italian Serie A. Ekipi që drejtohet nga Simone Inzaghi, në pesë ndeshjet e fundit ka katër humbje e një barazim në kampionatin vendor. Fitoren e fundit kjo skuadër e kishte arritur më 5 mars 2023 kundër Lecce 2 me 0. Asnjëherë në histori të klubit të Interit, nuk ka ndodhur të humben tri ndeshje rresht si vendës, pa shënuar asnjë gol. Juventus, Fiorentina e Monza mposhtën me nga një gol Interin në shtëpi. Sipas mediumeve italiane, Simone Inzaghi e ka të sigurt shkarkimin nëse Interi dështon të kaloj në gjysmëfinale të Ligës së Kampionëve, aty ky ndeshjen e parë te Benfica, Inter ka fituar 2 me 0. Zi-kaltrit të mërkurën takohen me Benfikën në ndeshjen kthyese çerekfinale të Chamions, kurse pas saj në Serie A udhëtojnë te Empoli. Kah fundi i prillit, saktësisht me datë 26, presin Juventusin në gjysmëfinale të Kupës së Italisë, ndërsa ndeshja e parë ka përfunduar 1 me 1. Inter për momentin është në vendin e pestë në Serie A, pas 30 ndeshjeve ka 51 pikë.