"Inter - Barcelona", përballje që s'përfundojnë kurrë pa polemika

Festival golash kishte rezervuar ndeshja e parë gjysmëfinale ndërmjet Barcelonës dhe Interit. 3-3 përfundoi beteja e parë e zhvilluar në stadiumin olpimpik katalunas, përballje e cila prodhoi edhe polemika të mëdha, si shkak i një vendimi të VAR-it. Henrikh Mkhitaryan e dërgoi topin në rrjetën e portierit Wojciech Szczęsny, për të katërtën herë për italianët, por që për çështje milimetrash u konstatua se ishte në pozitë jashtë loje, raporton Klankosova.tv. Gjithë java në mediat italiane (dhe jo vetëm) u përshkua duke diskutuar momentumin e tillë, prej të cilave kishte proklamime se kampionët e Italisë u 'vodhën' nga vendimi i tillë. [caption id="attachment_2566976" align="alignnone" width="712"] Goli i anuluar nga VAR-i, të cilin e shënoi Henrikh Mkhitaryan ndaj Barcelonës[/caption] "Nxehtë" pritet të jetë edhe dueli i kthimit, i cili nesër zhvillohet në stadiumin "Giuseppe Meazza" të Milanos, njofton Klankosova.tv. Ballafaqimet mes këtyre skuadrave kanë prodhuar tension mediatik e polemika pafund edhe në të kaluarën. Ishte faza e njejtë në Ligën e Kampionëve, kur më 28 prill të vitit 2010, në "Camp Nou" zhvillohej akti i dytë gjysmëfinal, ku paraprakisht të parin e kishin fituar "Nerazzurët" 3-1. Mesfushori Thiago Motta, ndëshkohej me kartonin e dytë të verdhë në minutën e 28-të, pasi paraprakisht në të dhjetën e kishte marrë të parin. Përjashtimi i brazilianit interist bëri bujë të madhe, si shkak i reagimit të lojtarit 'blaugarans', Sergio Busquets, ndaj të cilit u pretendua se ishte ndërhyrja e rëndë. [caption id="attachment_2566988" align="alignnone" width="722"] Ndërhyrja që e penalizoi Thiago Mottan me karton të kuq[/caption] [caption id="attachment_2566993" align="alignnone" width="719"] Sergio Busquets duke shikuar 'tinëzisht' gjyqtarin nëse po e ndëshkon kundërshtarin me karton të kuq[/caption] Në anën tjetër, një gol i anuluar për Barcelonën me pretendimin se topi u prek me dorë nga Yaya Tourei, shfaqi pakënaqësi të mëdha te kjo skuadër, duke qenë se me atë realizim, nëse do pranohej, do të kualifikoheshin në finale, transmeton Klankosova.tv. [caption id="attachment_2566982" align="alignnone" width="717"] Prekja me dorë nga Yaya Toure që shtyu gjytarin ta anulojë golin e dytë të Barcelonës.[/caption] 15 vjet pas dy dramave të zhvilluara nga këto skuadra, sërish një biletë finaleje do të prehet ndërmjet tyre. Të martën me fillim në orën 21:00, drejtpërdrejt në kanalin Sport 1 të platfromës kryesore shqiptare, ArtMotion, me komentim të Andin Lokajt, vjen magjia e kësaj përballje 'titanësh'. Interi apo Barcelona, kush shkon në Mynhen për ta kërkuar titullin kampion, mbetet të shihet nesër!